Sverri Egholm
Apple hevur kunngjørt roknskapin fyri seinasta árfjórðing, og úrslitið er betur enn væntað, hóast sølan er minkað trý prosent.
Tað skrivar Ritzau tíðindastovan.
Sølan av iPhone er minkað 10,5 prosent í øðrum ársfjórðingini í mun til í fjør.
Samlaða sølan av iPhone í hesum ársfjórðinginum var knappar 46 milliardir dollarar, ella 313 milliardir krónur. Hetta eru knappar 35 milliardir krónur minni enn sama tíðarskeið í fjør.
Hetta vísir roknskapurin hjá fyritøkuni fyri annan ársfjórðing í roknskaparárinum, sum er fyri fyrstu tríggir mánaðirnar í árinum.
Hóast sølan er minkað, var avlopið stórt. Heilar 23,5 milliardir dollarar ella 163 milliardir krónur lógu eftir á botnlinjuni fyri hendan ársfjórðingin.
Orsøkin til lægri sølu eru kappingarneytarnir Huawei og Samsung, sum vinna marknaðarpart.
Vinarliga broyt tínar kennifíla - og privatlívsstillingar fyri at síggja hetta innihald