Traktorur kolaðist upp

Klokkan knapt hálvgun fýra seinnapartin komu boð úr Skálafirði, at eldur var í einum traktori nakað væl burtur frá landsvegnum.

Skálafjarðar sløkkilið varð sent á staðið, men traktorurin stóð ikki til at bjarga, og hann er kolaður upp.

(Mynd: Dariusz Zablocki)

Eingin mansskaði stóðst av hendingini, og heldur ikki nakar annar materiellur skaði enn sjálvur traktorurin.

Tey vóru í holt við at taða, tá eldurin kyknaði, sigur løgreglan.