Kollfirðingar runnu vestmenningar niður og norð, tá grannauppgerð varð spæld í Kollafirði.

Frá fyrsta bríksli vóru tað vertirnir, sum sótu á dystinum.
Vestmenninga høvdu lítið hugflog í sínum spæli, og tá teir so eisini framdu hópin av mistøkum, varð lagt upp til kontrarenning hjá KÍF.
Ikki minst gjørdi Gert Hansen sær dælt av hesum, og longu áðrenn farið varð til hálvleiks, var dysturin skrædnaður.
Eftir steðgin gekk meira javnt á, men VÍF kom ongan tíð í nær námind nøkrum stigi, og framvegis eru teir á aftasta plássinum við 10 stigum. KÍF er nú uppi á 13 stigum, og kappast teir við Kyndil og H71 um pláss í FM-finaluni.

Gert Hansen skeyt ikki færri enn 15 mál fyri KÍF. Sámal Joensen skeyt 8 mál fyri VÍF.

KÍF-VÍF 40-29 (20-10)