Tveir persónar handtiknir fyri harðskap

Tíðliga í morgun varð boðað frá harðskapi beint við eitt matstað í miðbýnum í Havn, og í hesum sambandi vórðu tveir persónar handtiknir.

– Tað var fráboðað beint áðrenn klokkan fimm. Vit fóru á staðið, órættaði, sum hevði fingið onkrar skaðar, varð koyrdur á sjúkrahúsið, og tveir gerningspersónar vórðu eyðkendir og handtiknir, sigur vaktleiðarin á løgreglustøðini í Havn.

Lagt verður afturat, at løgreglan enn manglar at gera fleiri avhoyringar og at kanna upptøkur frá vakmyndatóli fyri at fáa lýst málið nærri, og møguliga verður grundlógaravhoyr seinni í dag.