Dávur Winther
Eftir drúgva tíð er nú komið so mikið ávegis við byggingini av Varpinum, at avhandingaskjalið nú er undirskrivað, eftir gjøgnumgongd av húsinum og verkætlanini annars í dag.
Ráðgevar, arbeiðstakarar og umboð frá stýrinum fyri Grunnin, Mentanarhús í Klaksvík, sum er byggiharri, møttu á fundi í morgun í Varpinum, har ymisku arbeiðini vórðu gjøgnumgingin.
Byggingin lýkur ásettu krøvini frá byggimyndugleikanum og er í tráð við tekningar og ynskir. Endaligt brúksloyvi er tí eisini givið fyri nýtslu av húsinum.
Tí er avhendingarskjal í morgun eisini undirskrivað. Tó eru onkur smávegis arbeiði eftir, sum avtala er gjørd um, skulu verða gjørd í næstum.
Jóhanna C. Christiansen, stýrisforkvinna fegnast um, at tað nú endiliga er komið so langt – og at henda verkætlan, sum byrjaði á sumri í 2020, nú kann kallast liðug.
Varpið hevur tó ávegis staðið sína roynd við fleiri sera væl eydnaðum tiltøkum, sum hava verið í húsinum. Talan hevur verið um eina spennandi, men drúgva tilgongd, og nú eru vit øll glað og takksom, sigur ein fegin forkvinna í stýrinum, Jóhanna C. Christiansen.
Nú húsið stendur liðugt, kostar tað uttan innbúgv um 72 milliónir krónur.
-
-
-
-
-
-
-
Á myndini eru umboð fyri Grunnin, Mentanarhús í Klaksvík, sum eigur húsið – Frá høgru Annfinnur Heinesen, leiðari í Varpinum, Jógvan Skorheim, stýrislimur, Karl H. Johansen, stýrislimur, Jóhanna C. Christiansen, stýrisforkvinna, Louis Poulsen, stýrislimur, Heri Ellingsgaard, stýrislimur, Pætur Gerðalíð, stýrislimur og Dávur Winther, skrivar í stýrinum Á mymdini vantar Gunn Hernes, sum eisini er við í stýrinum
-
Vinarliga broyt tínar kennifíla - og privatlívsstillingar fyri at síggja hetta innihald
Vinarliga broyt tínar kennifíla - og privatlívsstillingar fyri at síggja hetta innihald
Vinarliga broyt tínar kennifíla - og privatlívsstillingar fyri at síggja hetta innihald