Pedagogar: Semja um trý ára sáttmála

Føroyar Pedagogfelag hevur hevur í dag gjørt semju við Fíggjarmálaráðið og Kommunala Arbeiðsgevarafelagið um nýggjan trý ára sáttmála.

Sáttmálin hjá pedagogunum gekk út 1. apríl í fjør.

Pedagogfelagið vísir í dagføring á Facebook á, at hetta er fyrstu ferð í langa tíð, at felagið ger sáttmálasemju uttan at semingsstovnurin verður drigin við í samráðingarnar. Hetta boðar frá jaligari arbeiðsgongd millum partarnar, skrivar felagið

So at siga øll nevndin í Føroya Pedagogfelag varð skift út á aðalfundinum fyrst í mars mánaði, og tá fekk felagið eisini nýtt forfólk.

Sanna á Løgmansbø, forkvinna, segði við útvarpið hjá KvF fyrr í dag, at tey í samráðingunum hava lagt seg eftir at fáa sum mest burtur úr karminum, sum hesaferð er søguliga høgur.

Annars eru staklutirnir í nýggju sáttmálasemjuni enn ikki almannakunngjørdir.

Pedagogfelagið hevur kallað álitisfólk felagsins inn til fundar fyrrapartin í morgin.

Føroyar Pedagogfelag hevur hevur í dag gjørt semju við Fíggjarmálaráðið og Kommunala Arbeiðsgevarafelagið um nýggjan trý ára sáttmála.

Sáttmálin hjá pedagogunum gekk út 1. apríl í fjør.

Pedagogfelagið vísir í dagføring á Facebook á, at hetta er fyrstu ferð í langa tíð, at felagið ger sáttmálasemju uttan at semingsstovnurin verður drigin við í samráðingarnar. Hetta boðar frá jaligari arbeiðsgongd millum partarnar, skrivar felagið

So at siga øll nevndin í Føroya Pedagogfelag varð skift út á aðalfundinum fyrst í mars mánaði, og tá fekk felagið eisini nýtt forfólk.

Sanna á Løgmansbø, forkvinna, segði við útvarpið hjá KvF fyrr í dag, at tey í samráðingunum hava lagt seg eftir at fáa sum mest burtur úr karminum, sum hesaferð er søguliga høgur.

Pedagogfelagið hevur kallað álitisfólk felagsins inn til fundar fyrrapartin í morgin

Fyri løtu síðani kom tíðindaskriv frá arbeiðsgevarasíðuni, har greitt verður nærri frá semjuni:

Sáttmálin partanna millum gekk út 1. apríl 2023. Partarnir handaðu krøv tann 6. september 2023. Síðani hava fleiri fundir verið, áðrenn stígur kom í samráðingarnar í februar 2024, meðan Føroya Pedagogfelag fyrireikaði seg til aðalfund.

Síðani nýggj nevnd og forkvinna, Sanna á Løgmansbø tóku við leiðsluni í Føroya Pedagogfelag fyrrapartin í mars 2024, hava partarnir havt nakrar samráðingarfundir.

Samráðingarnar bóru má mál í dag mánadagin 29. apríl 2024.

Sáttmálaskeið og lønarhækkan:

Semjan er fyri tíðarskeiðið 1. apríl 2023 til 31. mars 2026. Lønarhækkanin samsvarar við hækkanina, ið onnur feløg hava fingið:

• Tann 1. apríl 2023 hækkar lønin 3,8%

Tann 1. januar 2024 verður galdandi lønartalva dagførd við lønarlyftinum til ávikavist námsførðingar, atstøðingar og hjálparfólk.

• Tann 1. apríl 2024 hækkar lønin 4,2%
• Tann 1. apríl 2025 hækkar lønin 4,45%

Partarnir eru samdir um dagføringar og tillagingar um m.a.

Broyting í eftirlønini:

• Eftirlønin til fastløntir námsfrøðingar og hjálparfólk á dagstovnaøkinum fer úr 12% upp í 13% tann 1. januar í 2025
• Fastlønt hjálparfólk á landsins stovnum fara úr 12% upp í 13% í eftirløn tann 1. januar

Broyting í skalagongdum:

Broytingar eru avtalaðar í skalagongdini hjá ávikavist námsfrøðiligum ráðgevum og hjálparfólkum við pedagogiskari ábyrgd, galdandi frá 1. juli 2024.

Førleikaviðbøtur:

Hjálparfólk fáa nýggja áseting um førleikaviðbót fyri serstakar førleikar í sáttmálan.

Aðrar broytingar:

Tillagingar eru gjørdar í ásetingum um m.a. starvsaldur, starvslýsingar, barnsferð v.m.

Partarnir hava gjørt avtalu um í sáttmálaskeiðinum at gera ymiskt felagsarbeiðið m.a. at gera eina nýggja og meira einfalda lønartalvu.

(dagført kl. 16.55)

Per Margin Gregersen, formaður í Kommunala Arbeiðsgevarafelagnum, Sanna á Løgmansbø, forkvinna í Føroya Pedagogfelag og Ruth Vang, landsstýriskvinna við mentamálum. Aftanfyri standa hinir nevndarlimirnir í pedagogfelagnum (Mynd: Føroya Pedagogfelag)