Enniberg verður á Havnini í morgin

Flakatrolarin Enniberg, úr Havn, setti um vikuskiftið kós móti Føroyum, har skipið skal landa umleið 900 tons av flaki.

Enniberg hevur verið til fiskiskap í Barentshavinum, og loystu teir av Havnini fyrst í januar.

Fiskiskapurin hevur verið hampuligur hendan túrin, og Enniberg verður á Havnini í morgin, har veiðan skal landast.

Manningin taldi 34, og skiparin hendan túrin hevur verið Karl Danielsen.