Varðhaldsfongslaðir fyri harðskap

Tíðliga leygarmorgunin, millum klokkan fimm og seks, vórðu tveir persónar handtiknir í sambandi við eitt harðskapsmál í høvuðsstaðnum, sum løgreglan kannar í løtuni, og báðir eru nú varðhaldsfongslaðir.

Harðskapurin varð framdur móti einum persóni uttanfyri eitt matstað í miðbýnum. Órættaði fekk onkrar skaðar og varð koyrdur á sjúkrahúsið.

Teir báðir, sum framdu harðskapin, vórðu varðhaldsfongslaðir eftir grundlógaravhoyr í gjár. Tann eini varð varðhaldsfongslaður í níggju dagar, meðan hin varð varðhaldsfongdslaður í fýra vikur, sigur vaktleiðarin á løgreglustøðini í Havn í morgun.