Millum 10-20 sjálvboðin til arbeiðis í Nesvík hvønn týsdag

Hvønn týsdag seinastu vikurnar hava nógv sjálvboðin møtt upp í Nesvík fyri at gera ymsar ábetur á Leguhúsið áðrenn summarlegurnar fara í gongd í juni.

Tað skrivar Trúboðin á heimasíðuni.

Hvørja viku møta millum 10-20 arbeiðsfólk upp at hjálpa við alskyns uppgávum – hvørt tað er allan dagin ella part av degnum.

- Serliga verður arbeitt við at flyta verkstaðið í kjallaranum og víðka um og gera ítrivsrúmið í stand. Hetta verður eftir ætlan eitt størri aktivitets-rúm, ið kann brúkast á ymsan hátt til legur og tiltøk í húsinum – eitt nú til ítriv, bønarrúm, hugnarúm v.m. Og vónin er, at hetta verður klárt at taka í nýtslu, tá summarlegurnar byrja, skrivar Trúboðin.

Árligi arbeiðsdagurin verður kortini í juni, tá nógvar stórar ábøtur verða gjørdar. Týsdagurin er hinvegin ein góður møguleiki hjá pensjónistum, útisiglarum ella øðrum, sum kunnu leggja sær ein vanligan týsdag til rættis, at hjálpa.