Innanlands

Vitjandi mugu gera avtalu frammanundan

– Vísandi til smittustøðuna í landinum í løtuni, er nú neyðugt at gera avtalu við deildina frammanundan, um tú ætlar at vitja ein sjúkling, boðar Landssjúkrahúsið frá

(Savnsmynd)

(Savnsmynd)

2021-10-24 09:47 Author image
Alda Nielsdóttir
placeholder

Seinastu dagarnar er nógv smitta staðfest í Føroyum, og fríggjadagin vórðu metnogvir smittutilburðir staðfestir – 89. 

Løgmaður hevur boðað frá, at Farsóttarnevndin fer at taka støðu til møgulig tilmæli í dag, og nú hevur Landssjúkrahúsið eisini sett tiltøk í verk orsakað av verandi smittustøðu.

Landssjúkrahúsið boðaði í gjárkvøldið frá, at tað nú er neyðugt at gera avtalu frammanundan, um ein ynskir at vitja ein sjúkling.

Stutta fráboðanin hjá sjúkrahúsinum er soljóðandi:

– Vísandi til smittustøðuna í landinum í løtuni, er nú neyðugt at gera avtalu við deildina frammanundan, um tú ætlar at vitja ein sjúkling.

– Hetta kann gerast við at ringja til Landssjúkrahúsið á tel. 30 45 00 og umbiðja deildina, har sjúklingurin er innlagdur.

placeholder
placeholder