Tekniskt brek var orsøkin

Tað var eitt tekniskt brek, sum var orsøkin, til at streymurin fór í øllum meginøkinum stutt eftir klokkan átta í morgun.

Streymurin var burtur í ein lítlan tíma, men beint fyri klokkan níggju varð boðað frá, at øll høvdu fingið streymin aftur.

Orsøkin til streymslitið varð kannað, og fyri løtu síðani skrivaði SEV á heimasíðuna, at tað var eitt tekniskt brek á einum motori á Sundsverkinum, sum var orsøkin.