Jólabýurin í Havn tekur skap

Seinastu dagarnar hevur nógv virksemi verið í býnum. Umframt sølusmátturnar, sum standa jólaprýddar í Betri garðinum og á Vaglinum, so eru fleiri smáttur komnar á økið uttanfyri Ráðhúsið.

Vakri pallurin, sum stóð í Tinghúsgarðinum í fjør, prýðir hugnaliga Vaglið í ár. Stóra jólatræið hevur fingið nýggja staðseting í ár, og er sett upp uttanfyri Ráðhúsið, meðan arbeitt verður við Havnará.

Jólatræið á Vaglinum verður tendrað í morgin leygardagin kl. 15:30.