Hildur Durhuus nýggjur stjóri á Greengate Incoming

Hildur Durhuus er sett sum stjóri í ferðavinnufyritøkuni P/F Greengate Incoming.

Hildur hevur fleiri enn 25 ára royndir frá ymsum størvum í upplivingar- og ferðavinnuni, bæði sum deildarleiðari, verkætlanarleiðari og marknaðarfólk. Harafturat hevur Hildur útbúgving innan ferðavinnu og eina master í upplivingarleiðslu. 

Í løtuni starvast Hildur sum trivnaðarsamskipari í Sunda kommunu, har hon millum annað hevur tikið stig til fleiri spennandi verkætlanir at skipa ferðavinnuna í økinum. Hildur tekur við sum stjóri í Greengate Incoming tann 1. januar 2023.