Í gjárkvøldið klokkan uml. 19.30 varð ein bilur stolin uttanfyri Høllina á Hálsi í Havn.
Talan er um ein bláan Opel Astra frá 2014 við skrásetingarnummarinum GJ564.
Eigarin skuldi eitt lítið ørindi inn í høllina, og lat hann lykilin sita í, meðan hann fór inn, og tá hann kom út aftur var bilurin horvin, sigur vaktleiðarin á løgreglustøðini í Havn.
At lata lykilin vera í er ikki loyvt, og tí fær eigarin eina bót.
Enn hevur løgreglan ikki funnið bilin aftur, og vilja tey á løgreglustøðini tí fegin hoyra frá fólki, sum hava upplýsingar í sambandi við málið. Fólk kunnu seta seg í samband við løgregluna við at ringja 114.
Stolni bilurin líkist tí á myndini
Vinarliga broyt tínar kennifíla - og privatlívsstillingar fyri at síggja hetta innihald