Vilja hava bygdarfólkið í Vestmanna við í menningar- og ferðavinnuætlan

- Hóast Vestmanna er ein ferðavinnubygd, kunnu vit saktans gerast ein enn størri partur av ferðavinnuni. Tað hevur stóran týdning at bygdarfólkið er við í eini menningar- og ferðavinnuætlan.

Av hesari orsøk vil bygdaráðið í Vestmanna kommuna vita, hvat vestmenningar, ynskja. Hetta soleiðis at úrslitið av kanningini kann verða grundarsteinurin undir nýggju menningar- og ferðavinnuætlanini.

Vestmanna kommuna skrivar, at spurnarblaðið er fyrst og fremst ætlað borgarum, ið eru búsitandi í Vestmanna. Tó er áhugavert eisini at hoyra frá borgarum, ið hava havt sín uppvøkstur í Vestmanna, men av ymsum orsøkum ikki búgva í kommununi.

Í spurnarblaðnum eru 15 ymisk punkt, ið skulu svarast á ymsan hátt. Tey snúgva seg um dagligdagin í kommununi, hvat gevur trivnað, og hvørji hugskot kunnu verða við at menna millum ferðavinnuna.

Vestmanna kommuna skrivar, at hetta skal geva kommununi íblástur at menna trivnaðin í bygdini, bæði fyri einstaka fólkið og ikki minst fyri virkisfúsar íverksetarar.