Nógvar valplakatir hanga alt ov lágt

Fleiri staðni runt um í Tórshavn hanga nógvar valplakatir alt ov lágt og koma á fleiri støðum langt inn yvir gongubreytina. Hettar kann serliga verða til vanda fyri sjónveik.

Sum vegleiðing um, hvussu høgt ferðsluskeltir skulu hanga yvir gongubreyt, so er tað mátið 2,2 m høgt til undirkant av skeltinum, og yvir súkklubreyt 2,3 m høgt til undirkant á skeltinum. Hesi mátini eru eisini hóskandi til uppsetan av valplakatum.

Les eisini: Løgreglan fær nógvar klagur um valplakatir

Ikki er loyvt at festa valplakatir á steyrar við ferðsluskeltum/við gonguteigar.

Heitt verður á politisku flokkarnar at kanna eftir, at valplakatir hanga soleiðis, at tær ikki eru til vanda ella bága fyri ferðlsuna.

Føroya Politi