Jón Magnus Joensen í Smiðjuni

Jón Magnus Joensen hevur málningaframsýning í Smiðjuni í Lítluvík í Havn frá fríggjadegnum 9. dessember til og við mikudagin 14. desember.

Myndevnini á framsýningini eru frá Tórshavn. Teir umleið 40 málningarnir, stórir og smáir, lýsa høvuðsstaðin á ymsan hátt.

Herumframt eru náttúrumyndevni málað á pappír.

Jón hevur havt nógvar málningaframsýningar seinastu góðu tríati árini, harav fleiri í Smiðjuni. Jón hevur málað nógv heilt frá ungum árum. Hann hevur verið á listaháskúla í Danmark.

Framsýningin letur upp nú fríggjadagin kl. 15.

Opið hesar tíðir:
Fríggjadagin kl. 15-18
Leygardagin kl. 10-18
Sunnudagin kl. 14-18
Mánadagin kl. 10-17
Týsdagin kl. 10-18
Mikudagin kl. 10-18