Indonesia: Nú er bannað at hava sex uttan fyri hjúnalagið

Framyvir verður tað revsað við eitt árs fongsli, um ein hevur kynsligt samband uttan fyri hjúnalagið í Indonesia.

Tjóðartingið í landinum hevur júst samtykt nýggja lóg, sum eitt nú bannar kynsligum virksemi uttan fyri hjúnalagið, skrivar CNN.

Bannið er, sambært CNN, eisini galdandi fyri útlendingar, sum búgva í landinum, og fyri ferðafólk.

Talan er um eina av fleiri lógarbroytingum, sum sambært kritikarum er við til at undirgrava frælsisrættindini í heimsins triðstørsta fólkaræði.

Reklamur fyri fyribyrging og átrúnaðarlig spottan verður eisini lýst at vera ólógligt. Samstundis hevur lógarpakkin eisini eitt bann móti at æruskemma forsetan og statsligar stovnar. Hetta kann revsast við upp í trý ára fongsli, skrivar AP-tíðindastovan.