179 krígsfangar leyslatnir í fangabýti

Í dag eru 179 krígsfangar leyslatnir í fangabýti millum Russland og Ukraina.

Av ukrainsku forsetaskrivstovuni verður sagt, at 116 ukrainsk herfólk, sum higartil hava verið krígsfangar, eru leyslatin og ávegis heim til Ukraina.

Talan er m.a. um herfólk úr ukrainsku býunum Mariupol, Kherson og Bakhmut, skrivar tíðindastovan AP.

Sambært russisku myndugleikunum, eru 63 russiskir krígsfangar eisini leyslatnir og eru ávegis heim til Russlands.