Innanlands

Áheitan frá Sjóvinnustýrinum: Tryggið landgongdirnar

Tað er tilvildarligt hvussu leytarar og landgongdir verða settar

2022-12-05 17:29 Author image
Ingi Samuelsen
placeholder

Í sambandi við syrgiligu deyðsvanlukku 27. november, har maður við Ametyst varð funnin druknaður skamt við skipið, meðan tað lá við vestaru bryggju í Havn, hevur Sjóvinnustýrið kannað umstøðurnar kring vanlukkustaðið, og gjørt nakrar eygleiðingar um landgonguumstøður sum heild.

Enn er eingin vissa fingið fyri, hví og hvar maðurin datt á sjógv og druknaði. Eisini var net spent út undir leytaran á Ametyst.

Men Sjóvinnustýrið staðfestir, at tað yvirhøvur kann vera rættiliga tilvildarligt, hvussu leytarar og landgongdir verða settar. Skip eru ymisk, og kunngerð frá Sjóvinnustýrinum um byggikrøv og útgerðarkrøv o.a. til fiskiskip ásetur nakrar leiðreglur at halda seg til.

Her ein stutt vegleiðing til, hvussu leytarar skulu setast:

  1. Landgongdin skal vera stabil við styttum og reipi væl sett og spent upp
  2. Landgongdin skal vera væl fest í skipið og skal helst setast í dekkshædd, har tað ber til
  3. Landgongdin skal vera trygg at ganga á, m.a. skal undirlagið verða gliðtrygt
  4. Hallið á landgongdiniskal helst ikki vera meira enn 30 stig
  5. Net skal spennast út undir landgongdina, so eingin kann detta niður ímillum
  6. Gott ljós skal vera við landgongdina

Sjóvinnustýrið metir tað vera sera umráðandi, at fokus verður sett á hettar økið, og tí heitir Sjóvinnustýrið á skiparar, sjófólk, reiðarar, skipasmiðjur, klassa, havnaskrivstovur og fólk, ið annars hava við skip at gera, um at gera vart við umstøður, ið ikki tykjast tryggar, so at skipari og/ella reiðari kunnu syrgja fyri, at umstøðurnar hjá manning og viðskiftafólki at ganga til og frá skipinum eru so tryggar sum yvirhøvur til ber.

Her eru tvey dømi um tryggar landgongdir:

[object Object]

[object Object]

Her er togverkið ikki nóg stramt, einki net, og arbeiðsútgerð liggur við landgogndina. Eisini er langt ímillum skip og kai:

[object Object]

Her er vinkulin meira enn 30 stig, einki net, og togini eru leys:

[object Object]

Landgongdin á Ametyst við trygdarneti: 

[object Object]

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder