Bagge nýggjur venjari í Runavík

Sámal Erik Hentze verður venjari hjá NSÍ restina av kappingarárinum og næsta kappingarár.

Hesum boðar NSÍ frá í kvøld.

- Sámal Erik Hentze er ein kendur venjari í Føroyum, og hevur sera nógvar royndir sum venjari. Sámal Erik Hentze er eisini kendur í felagnum, og tá hann gavst tá segði hann at hann “ikki var liðugur” í NSÍ. Tí fegnast vit um at Sámal Erik Hentze hevur játtað at taka yvir sum høvuðsvenjari, og byrjar hann beinavegin. Avtrat Sámal Erik Hentze kemur Jón Krosslá Poulsen at hjálpa til, og verður hjálparvenjari hjá NSÍ, sigur felagið.

Tað var herfyri, at Todi Jónsson varð koyrdur úr starvi sum venari hjá besta liðnum hjá NSÍ, og síðani hava Poul Helgi Jacobsen og Jens Martin Knudsen tikið sær av uppgávuni.

- NSÍ er í gongd við at byggja upp, og er Sámal Erik Hentze heilt víst rætti maðurin, sum kann flyta NSÍ rættuliga nógv. Vit eru sera fegin og stolt um at Sámal Erik Hentze og Jón Krosslá Poulsen nú eru partur av NSÍ, og gleða okkum til gott samstarv, sigur NSÍ.