Fótbóltur

Pauli Poulsen tekur við stýrisvølinum á Skála

49-ára gamli skálamaðurin skal royna at fáa liðið upp í Betrideildina aftur. Partarnir hava gjørt ein tvey-ára sáttmála.

Pauli Poulsen saman við formanni felagsins Inga Hansen (Mynd: Skála IF)

Pauli Poulsen saman við formanni felagsins Inga Hansen (Mynd: Skála IF)

2022-12-04 14:46 Author image
Agnar Prestá
placeholder

Í 2022 hevur Micheal Bjørn Nielsen verið venjari hjá besta mansliðnum á Skála. Danin var í fulltíðarstarvið, men hóast lovandi brøgd til tíðir gjørdist Skála greiður niðurflytari.

Harvið skal liðið av vestara armi á Skálafjørðinum í 2023 spæla í 1. deild, eins og liðið gjørdi í 2021. Nú er greitt, at tað verður við einum gomlum kenningini sum venjara. Skála Ítróttarfelag boðar í dag frá, at Pauli Poulsen er nýggjur høvuðsvenjari:

- Pauli hevur rættiliga drúgvar royndir sum venjari, bæði í fótbólti og hondbólti, og hevur seinastu árini staðið á odda fyri G17 landsliðnum. Pauli hevur eisini drúgvar royndir í venjarahøpi á Skála, og kennir felagið út og inn. Hóast hann seinnu árini ikki hevur nakran aktivan venjaraleiklut í felagnum, so hevur hann fylgt við á síðulinjuni, og hevur verið dagligur gestur undir Mýruhjalla.

49-ára gamli skálamaðurin var hjálparvenjari, tá Skála miðskeiðis í 00'unum fekk bronsu og silvurheiðursmerki og fekk í 2015 besta liðið upp í bestu deildina aftur og helt tí har í 2016 og 2017. Í 2018 var Pauli Poulsen eitt skifti venjari í Vágunum. Eisini hevur hann staðið á odda fyri NSÍ og B68 og hevur nógvar royndir sum U-landsliðsvenjari.

[object Object]
Pauli Poulsen hevur fingið nógv góð úrslit við ymiskum U17-landsliðnum hjá gentum (Mynd: FSF)

Skála bjóðar nú Paula vælafturkomnan í felagið og skrivar, at umframt arbeiðið við besta mansliðnum, er ongin ivi at Pauli, við sínum drúgvu royndum, eisini fer at geva íblástur til barna- og ungdómsvenjingarnar á Skála.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder