Aron Knudsen til B36

B36 kunngjørdi í gjárkvøldið ein nýggjan spælara. Talan er um 23-ára gamla Aron Kundsen, ið skiftir úr NSÍ.

Miðvallarin, ið er tekniskt sterkur og er lættur á fótum, hevur spælt 56 dystir á høgum stigi fyri barndómsfelagið NSÍ. Í teimum hevur Aron skorað tíggju mál, og tað var serliga í seinnu hálvu í 2021, at hann gjørdi vart við seg. Aron Knudsen skoraði millum annað í steypafinaluni móti júst B36.

Nú er greitt, at júst Aron er fyrsti nýggi útileikari, ið B36 fær til næsta kappingarár, og hann hevur skrivað ein tvey-ára sáttmála við havnarfelagið. Framanundan hevur B36 gjørt tvey-ára sáttmála við málverja úr Vágunum, Silas Eyðsteinsson. 

Aron Knudsen hevur so at siga alt árið stríðst við skaða í serliga lærkrikanum. Nú skal fyrrverandi NSÍ-spælarin aftur á vøllin og royna seg í nýggjum felagið.

B36 skal aftur í 2023 spæla evropeiskan fótbólt. Liðið hevur millum annað tryggjað sær nýggjan sáttmála við Andrass Johansen, og sum skilst eru onkrir nýggir spælarar møguliga á veg inn í B36-húsið.